जादुको कुनै मन्त्र भए

जादुको कुनै मन्त्र भए
फु मन्तर गरि शान्ति ल्याउथें
जर्जर भएको यो देशलाई
सम्बृदशाली मुलुक बनाउथे
मेरो यो सपना मात्रै
विपनामा पुगे हुन्थ्यो
यो देशका मुर्ख नेताहरुको
दिमागको ढक्कन खुले हुन्थ्यो

देशको यो हृदयको घाउ
धामी झाक्रीले निको पारे
कति धेरै जाति  हुन्थ्यो
उजाड यो देशै भरि
अमन चैनको फुल फुले हुन्थ्यो

जादुको कुनै छडी भए
ट्वाक ठोकी सम्व्रिद्दी ल्याउथे
मेरो बशले भ्याउने भए
भ्रस्ट नेतालाई ठेगान लाउथे

जादुको कुनै मन्त्र भए
शान्ति दुत फेरी ल्याउथे
देश भनेको कस्तो हुन्छ
यी पाखण्डीहरुलाई  देखाउथे

कुनै यस्तो शक्ति नभएपनि
शक्ति मेरो हो यो आवाज
वुद्दी तिम्रो पलाएको भए
अवस्था अर्कै हुन्थ्यो आज

........................................................२०६२/१२/३१/रति ७:३०